Home Search Countries Albums

Muri Mururu

MUIGAI WA NJOROGE

Read en Translation

Muri Mururu Lyrics


Ni ikwario, Kioi wa murera ni ikwario

Hindi imwe uthamaki ni wa Daudi
Ee ni kwamerire muri mururu
Absalom muru wa Daudi
Akigayania nyumba ya Jakufu

Reke ciana cioyanire mathanua
Reke andu a nyumba imwe matengeranie
Ni tondu wa wiendi wa mundu umwe
Israeli magiitana thakame

Muri uyu mururu ni umunywe narua
Uyu uragayania nyumba ya Mumbi
Atogoria na athuri a kiama kia ma
Na atogoria a kanitha ni inyue mwikuo

Hare karugano ka ng'ombe ithatu
Ciaturitie weru iriaga hamwe
Hindi tumaheni twa warufuku
Twatomire cioragwo emwe kwa emwe

Daraca inu murita anga BB ndwi
Ni murakionire maciaro mayo
Eeh nyoro gavana wa ithaha rimwe
Akiingata muru wa nyina ikamba

Muri uyu mururu ni umunywe narua
Uyu uragayania nyumba ya Mumbi
Atogoria na athuri a kiama kia ma
Na atogoria a kanitha ni inyue mwikuo

Urumwe niguo urehaga gutoria
Naguo wingi ni uguongo witu
Riria ciira wa fururi ugucirwo
Ni ithafu riitu ri twaragiriria

Nayo thu yamenya oguo igitwa ng'ondu
Na ikiigirira rua rwa thayo
Mwarega gucoka thutha wa hema
Ciana na ikamumena na imurume

Muri uyu mururu ni umunywe narua
Uyu uragayania nyumba ya Mumbi
Atogoria na athuri a kiama kia ma
Na atogoria a kanitha ni inyue mwikuo

Arigithathi na ituge cia nyumba
Aige mateirwo na nomination
Kiambu tugitigirwo githina
Kirinyaga tata wakamerokia

Nake uria unge ni arateirwo na ngige
Ee ni kuonagwo na my friend
Riria nyama igakinya kugayanuo 
Ruriri mukaaragiririo no?

Muri uyu mururu ni umunywe narua
Uyu uragayania nyumba ya Mumbi
Atogoria na athuri a kiama kia ma
Na atogoria a kanitha ni inyue mwikuo

Riu nyumba no mohaka inyitane
Na itoga citigarite cirute indu
Ciira warore wiiguo methaini
Thiina uyu ni witu ti wa nyumba iria

Mwaka uyu ni wa kusema ukweli
Ate ni uthanwa riatemega miti
Na no meti yachagurite itwanwa
Ati tondu rihangiritwo muti

Muri uyu mururu ni umunywe narua
Uyu uragayania nyumba ya Mumbi
Atogoria na athuri a kiama kia ma
Na atogoria a kanitha ni inyue mwikuo

Gwataniro yanyu nyumba ya GEMA
Niyo yaingatire muthungu Kenya
Urumwe ucio reke uninwo ni ateti
Korwo makendaa guturia indu ciao

Kamaru aigire riria mugutwoga
Mutikage gutwoga mwikinyeire
Thi ino ndire mwene no mugathama
Mukerorerwo ta kiiba kia Moi

Muri uyu mururu ni umunywe narua
Uyu uragayania nyumba ya Mumbi
Atogoria na athuri a kiama kia ma
Na atogoria a kanitha ni inyue mwikuo

Nyumba ya Mumbi no nginya twifange
Tondu wa gutufaga ni afagirwo
Nyumba ya Mumbi no nginya twifange
Na twamure mundu unge gutaneha

Nyumba ya Mumbi no nginya twifange
Tondu wa gutufaga ni afagirwo
Nyumba ya Mumbi no nginya twifange
Ni twamure mundu unge gutaneha

Enjoy Synced Lyrics With Our Mobile App

Download on Google PlayGet it on App Store

WATCH VIDEO

ABOUT THIS SONG


Release Year : 2020


Album : Muri Mururu (Single)


Copyright : (c) 2020


Added By : Huntyr Kelx

SEE ALSO

AUTHOR

MUIGAI WA NJOROGE

Kenya

Muigai wa Njoroge Kigutha is a Gospel musician from Kenya. ...

YOU MAY ALSO LIKE