Kuhura Maai Na Ndiri Lyrics

Niki kiguni hari gutura kwa ngoma î
Ndutaga wira kuhura maai na ndiri
Ndurage maisha starehe kuria na kunyua
Na thutha wa wira ucio wothe jehanamu nguga kaba thina uture î
No ndikanorwo ni muoyo uyu utagathira

Ngai ndahoya wuiganagirie muoyo uyu î
Nduike wa kuiganagwo ni kîrîa uhete
Na uheyage gukindiria kwa mwîrî uyu
Ndukanareke kuguru gwakwa kurange o haria mutego wambitwo î
Ngai reke ngiage na gugweterera

Njikaga ithabu ria gutura miaka igana î
Ndwaraga ngari na guikara cia ngoroba
Na wira ûcio kwi Ngai ni muruki muuru
Ngoiga kaba nduure kiara-ini kia mahuti Ngai na ndikanorire î
Ugitara ithabu riaku ngakoragwo ho

Murata we utuire utungataga kwa ngoma î
Na ndumenye utuire wikaga ma kuruta
Ni njui ugaga wi mbere mairu nyingi
Ni nguigua tha ndakurora ngamenya kiu no gikuu unyitite icuri î
No Ngai wa iguru aiguire tha akuhonokie

Camania na mûndû wanatura kwa ngoma î
Akuhutahutirie uria gukoragwo
Wone ni maûndû utangienda kwiiguira
Maûndû mari thoni na mari magigi, Mwathani ta tuhonokie î
Ni ma ti itherû maya ni marigiririo

Murata iganwo ni kîrîa Ngai akuhete î
Na kirira ubatarite ukamumenyithagia
Handu ha kwananga muturire wi thino
Ikaraga tari Maria Ngai aguikiire nginya muoyo ucio winaguo î
Wone ti itherû wagiriirwo umutungat